Nerea na concentración do 25 N en Rianxo

O luns á tarde celebrouse en Rianxo unha concentración contra a violencia machista. Diferentes colectivos e persoas leron manifestos e escritos para expresar o seu rexeitamento ao machismo e á violencia contra as mulleres. Nerea foi unha desas persoas 😍 Leu un texto sobre as festas da Guadalupe que escribiu no seu caderno do feminismo e fíxoo de marabilla. 😍 😍

Aquí tedes unha montaxe co escrito de Nerea. Dália e José Luis puxeron a música. Parabéns aos tres! 

Graciñas, Nerea, polo teu caderno do feminismo. 😘

25 de novembro: non á violencia machista!

No CEP Brea Segade todos/as xuntas contra a violencia machista.

Barcos contra a violencia de xénero

Unha das actividades que realizamos todo cole na mañá do 25 de novembro foi elaborar barcos violetas, axudándonos uns aos outros/as. En 5º aprendemos a facer barcos de papel antes do recreo, decorámolos con lemas alusivos ás mulleres e ao 25N e deixámolos expostos na clase para lembrar o noso compromiso contra a vilencia de xénero.

O libro dos porcos

O libro dos porcos from bibliotecavictorsaenz on Vimeo.

Agradecemos á Biblioteca do CEIP Víctor Sáenz de Mazaricos a elaboración e difusión desta montaxe da obra "O libros dos porcos" de Anthony Browne.

Aventuras de "la mano negra"

Comezamos cun novo título do itinerario lector de 5º: Aventuras de "la mano negra" de Hans Jürgen Press. Desta vez leremos historias policíacas protagonizadas por unha panda de nenos e nenas que son uns detectives incribles. O mellor do libro é que teremos botarlles unha man e usar a nosa capacidade de observación e deducción para ir resolvendo os casos. 

Irémolo alternando con Se queres pasar medo, así que misterio, medo e intriga van protagonizar as nosas lecturas en castelán no que queda de trimestre.

25 de novembro en Rianxo

Estes son os actos organizados en Rianxo no Día contra a Violencia de Xénero.

Aniversario de Hugo

Hoxe é o aniversario de Hugo! Xa temos outro mozo de 10 anos na clase! Celebrámolo cantándolle, turréndolle das orellas e papando enteiriño un biscoito de chocolate riquísimo. 

Moitos Parabéns, Hugo!

Grazas polo biscoito!

Cantando contra a Violencia de Xenero

O luns alzaremos a nosa voz contra a violencia machista  no Día Internacional contra a Violencia de Xénero. Hoxe tivemos un ensaio xeral do tema A Porta Violeta, versión en galego dunha canción de Rozalén, que interpretaremos dentro dos actos que realizaremos o luns 25 de novembro. Soou moi ben 😍 Sempre dá gusto escoitar cantar aos nenos e nenas do Brea Segade.

A primeira Mochila Viaxeira de 5º

Hoxe saíron as Mochilas Viaxeiras da BBS!
A primeira afortunada en levala para casa foi Lara.

Boas lecturas, Lara!

Biscoito á cunca

Unha das cousas boas de traballar sobre receitas de cociña na clase é que ás veces, coma hoxe, levamos a sorpresa de ter unha proba no recreo. Isabela tróuxonos unha mostra do seu "biscoito á cunca". Estaba de lamber os bicos! Mirade nas fotos, ben se ve! 😛

Graciñas Isabela! 

En canto teñamos montado o noso libro de receitas probaremos a facelo 👌

Mmmm!

Larpeiras!

Venus, Mercurio e Neptuno

Continuamos coas exposicións dos traballos sobre os planetas. Este luns foi a quenda de Noa e Froilán con Mercurio,  Alex e  Rafa con Venus e Hugo e Ezequiel con Neptuno.

Bo traballo Noa, Rafa, Hugo, Alex, Ezequiel e Froilán!