Charamuscas 2020

Xa temos a Charamuscas deste curso! Parabéns pola vosa participación rapaces e rapazas.

Ler no verán

Xa están no blog da BBS as recomendacións de lecturas para o verán, olládeas, veredes como hai propostas moi interesantes.

Podium Kahoot

Pechado o Kahoot, Rematamos 5º, xa temos o podium. Parabéns Breogán, Rita e Lucas, parece ser que sodes os que máis lembrades deste curso.

Que alguén me conte, por favor, quen é Josefa, revisei as listas de 5º e non a atopo. Dinlle clase todo o curso sen darme conta? 🙈🙆 Será parente de María Luisa? 😂😂😂

E Mateo? O irmán de Rubén?

O máis importante: Como nos prestou traballar con Kahoot! E que ben o pasamos!

Debuxando Pokémons

Rubén non só fixo a súa presentación sobre Pokémon se non que estivo debuxándoos. Mirade que ben están:

Moi ben, Rubén, segue debuxando, tes moi boa man.

Fedellando con Tux Paint

Estivestes fedellando con Tux Paint, un programa de deseño que ten Edixgal, co que traballaremos a fondo o curso que vén. Mirade que cousas tan chulas fixeron Rafa e Saúl.

Bo traballo, rapaces!

Despedida

Onte despedímonos virtualmente, quen nos dera poder telo feito en persoa e darnos unha aperta e uns bicazos de fin de curso, pero aínda así estivo moi ben e chegamos a xuntarnos case tod@s. Oxalá fora a última vez que teñamos que vernos en vídeo chamada.

Fixestes un curso fantástico, e non o tivemos fácil, houbo que inventar iso de traballar desde a casa, pero aínda así fixéstelo moi ben.

Boas vacacións a todos e a todas! 😘😘

Xa sabedes que o blog e o correo da clase seguirán activos.

0!!!

Rematamos a conta atrás, que mellor que facelo lembrando o que compartimos nestes meses. Aquí tedes un resumo en imaxes.

1,

Rematamos 5º, imos ver canto lembramos:

Preme neste ENLACE ou na imaxe e proba!

Venres, 19 de xuño

Rematamos a pequena viaxe musical desta semana cunha cantante mexicana, Lila Downs, comprometida coa música e a cultura dos pobos indíxenas americanos. Coa súa música pon en valor e dá a coñecer as culturas autóctonas de América latina e ás veces, como neste tema, denuncia inxusticias e convidanos a construír un mundo mellor. Neste tema colaborou con ela, Juanes, que seguramente algúns coñecedes.

As miñas mascotas

Noa fálanos das súas mascotas, e faino con moito detalle e sobre todo con moito agarimo. Está claro que as súas mascotas son moi afortunadas.

A dislexia

Dália explícanos de xeito moi claro que é a dislexia, que dificultades atopan as persoas con dislexia e como as superan. Ides atopar moita información interesante, veredes.

Camións

Canto estamos aprendendo! Abel preparou unha presentación sobre camións, seguro que ides descubrir un montón de cousas que non sabiades. Mirade, mirade...

Deporte

Ezequiel escolleu o deporte para a súa presentación, outra das afeccións de moitos e moitas de vós.

Gatos

Xa tardaba unha publicación de animais en 5º! Aquí temos unha das paixóns de moitos/as de vós. Saúl fálanos de gatos, e xa sabemos que fala con coñecemento directo e experiencia. 😉

Karts

Diego Ferreira fálanos de que é o karting: en que consiste, de onde procede, que necesitamos para practicalo... Temos toda a información precisa da man dun experto. Non volo perdades!

Scooby Doo

Lucía fálanos dun clásico imprescindible das series de animación e preséntanos, con todo detalle, aos seus personaxes. Todo o que queirades saber sobre Scooby Doo tédelo aquí.

Pokémon

Se aínda non sodes afeccionados ao mundo Pokémon despois de ver a presentación de Rubén seguro que enganches ou polo menos empezaredes a entender de que falan os seguidores e seguidoras desta saga cando empeces a escoitar: xeracións, lendarios, evolución, pokeball, pokedex e demais 😉

Dous,

Novos xogos de Matemáticas, tamén da plataforma Arcademic, para seguir poñendo a proba a vosa rapidez no cálculo mental e despois O Preguntoiro, para seguir desafiándovos. Animádesvos a probar?

O Preguntoiro

Xoves, 18 de xuño

Cambiamos de xénero. Hoxe imos comezar o día escoitando música interpretada por orquestras sinfónicas: o tema central da banda sonora de Harry Potter e o 2º movemento da Sinfonía nº 1 de Mahler.

Rosalía de Castro

Rita cóntanos todo o que temos que saber sobre Rosalía de Castro na súa presentación. Veredes como descubrides cousas que non sabíades sobre a escritora máis importante e máis fascinante das nosas Letras.

Tres,

Hoxe é día de experimentar cunha das ferramentas de Edixgal que no tivemos tempo de probar con calma este curso, pero que seguro que cun pouco de práctica acabades dominando. Entrade en Aplicativos, Educación e escollede Tux Paint.

Aplicativos - Educación

É un programa para crear debuxando, coloreando, engadindo etiquetas, imaxes texto...

Esta é a pantalla de inicio.

Aquí tedes un titorial que vos será de axuda para comezar:

VÍDEO para sacarlle partido a Tux Paint.

Cando rematedes unha creación só tedes que darlle a gardar e pasa a estar na vosa carpeta Tux Paint como imaxe. Animádevos a fedellar e probar. Despois mandade as vosas creacións ao correo da clase e as compartiremos no blog.

Mércores, 17 de xuño

Despois do que compartiu con nós Nerea onte, non nos queda outra, hoxe temos que comezar o día escoitando a Queen e botando uns bailes. Don't stop me now, temazo da banda británica, composto a finais da década dos 70.

CAT

Todo o que queirades saber sobre maquinaria pesada tédelo na presentación de Froilán. Veredes como ides atopar algunha máquina que non coñeciades.

Freddie Mercury

Comezan a chegar as vosas presentacións 😍.

Nerea fálanos sobre Freddie Mercury. Se non sabedes quen é, aquí tedes a oportunidade de descubrilo e se xa o coñecedes, seguro que atopades moita información nova e interesante. Con tod@s nós: Freddie Mercury!

Catro,

Hoxe tedes unha colección de novos xogos de Matemáticas, todos eles da plataforma Arcademic e todos para poñer a proba a vosa rapidez no cálculo mental. Animádesvos a probar?

Martes, 16 de xuño.

Hoxe comezamos escoitando aos Beatles, unha banda inglesa que tedes que coñecer porque son parte fundamental da historia da música moderna. Van 2 vídeos: unha animacion con varios temas seus e parte da súa historia e outro para que os vexades tal e como eran e tal e como era Inglaterra na súa época.

Comeza a conta atrás! Cinco,

Hoxe propóñovos ir de visita ao Museo do Prado. 

Imos entrar na súa colección de obras de arte e, máis concretamente, nunha escolma de obras mestras. Visitade desde a casa esas 15 obras mestras, poñede moita atención, porque despois teredes que superar un test para demostrar a vosa capacidade de observación. Pasade as imaxes das obras de arte coma nun carrusel, premendo nas fechas que aparecen nos lados.

Premede na imaxe e entrade no Museo do Prado. 

Agora tócavos demostrar se tedes boa capacidade de observación ou se sodes máis ben despistados/as. 😉

Seredes capaces de obter entre 12 e 15 puntos no cuestionario?  

Probamos ?

Cando rematedes facede un comentario contando que vos pareceu a visita e seguide descubrindo artistas e obras na colección do Museo do Prado.

Premede no enlace ou na imaxe. Cuestionario Museo do Prado.

Luns, 15 de xuño

Entramos na conta atrás, esta semana teremos cada día un pouco de música para comezar e despois un xogo, reto, visita virtual... Sen esquecer que agardamos polas vosas presentacións, non vos descoidedes.

Ah! Lembrade tamén as enquisas da BBS.

Aquí vai a primeira proposta musical: One love de Bob Marley interpretada por músicos de diferentes países dentro do proxecto Playing for Change. Música para cambiar o mundo, un bo plan.

Ti decides

Xa tedes en Edixgal, en Lingua Galega, a tarefa para esta semana, con toda a información que precisades. 

Decidide un tema do que contarnos o moito que sabedes ou o moito que descubristes. Buscade máis información, organizádea e elaborade unha presentación con LibreOffice Impress. Cando estea lista subídea á tarefa de Edixgal. 

Ide poñendo nos comentarios desta entrada sobre que tedes pensado traballar.

Enquisas de avaliación da BBS

Como cada ano a BBS pídenos que opinemos sobre o seu traballo. Esta vez é en liña. Entrade no blog da BBS e opinade. Hai unha enquisa para familias e outra para nenos e nenas.

Aniversario de Breogán

Hoxe temos a Breogán de aniversario !!! 🎈🎉🎈🎉

11 anos!!!

Xa ides quedando poucos con 10 😃

PARABÉNS, BREO!!!

Parabéns para ti, parabéns...🎶🎵

Aínda que xa sopraches velas, volve facelo e pasa un día fantástico, Breo. Marcamos outra celebración pendente para o curso que vén.

En perigo: tartaruga de coiro e píllara das dunas

Continuamos publicando os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas!

Aniversario de Ezequiel

Onte Ezequiel fixo 11 anos! Outro mozo máis na clase que pasa da decena!  E outra celebración máis que anotamos na lista das pendentes. 😀
Onte na nosa vídeo chamada colectiva dos venres fixemos un intento de cantarlle, pero xa vimos que as vídeo chamadas en grupo grande non dan para cantar xunt@s 😂

PARABÉNS, EZEQUIEL!!🎉🎉

Parabéns para ti, parabéns para ti... 🎵🎶

En perigo: o diaño de Tasmania e o tigre de Bengala

Continuamos publicando os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas!

En perigo: o oso pardo, o lince ibérico e a avefría

Continuamos publicando os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas!

En perigo: a foca monxe e o lince ibérico

Continuamos publicando os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas!

En perigo: mazarico real e caracol de Quimper

Continuamos publicando os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas!

En perigo: oso panda e leopardo das neves

Continuamos publicando os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas!  

En perigo: o can de palleiro e as náiades

Comezamos publicar os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas! 

En perigo: a xesta de Ons e o esgonzo ibérico

Comezamos publicar os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas! 

 

En perigo: águia real e oso pardo

Comezamos publicar os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas!