Ao longo do mes de xaneiro e parte de febreiro, a aula de Valores Sociais e Cívicos estivo traballando na creación de pequenas curtas en Stop Motion baseadas nalgúns dos poemas da antoloxía Poemas para construír a Paz que publicou a BBS en xaneiro do 2020. Nestas últimas catro entradas tedes o resultado do traballo realizado. Desta vez a edición das montaxes fíxoa cada grupo, usando a app Stop Motion Studio e as tablets da BBS.
Amosando publicacións coa etiqueta Día da Paz. Amosar todas as publicacións
Amosando publicacións coa etiqueta Día da Paz. Amosar todas as publicacións
martes, 16 de febreiro de 2021
mércores, 3 de febreiro de 2021
Un fermoso ovo branco
Rematamos co "fermoso ovo branco", a nosa participación na celebración do Día da Paz 2021. Traballamos sobre un conto ben fermoso, tanto como o ovo branco e pasamos moi bos momentos recreando a historia. Agora hai que ver o vídeo, o noso produto final 😃
domingo, 2 de febreiro de 2020
O Xardín da Memoria
Na entrada do colexio temos o Xardín da Memoria, que inauguramos un 30 de xaneiro, Día da Non Violencia e da Paz, como mostra e lembranza do compromiso do Brea Segade cos valores democráticos e cos Dereitos Humanos, tantas veces esquecidos e maltratados ao longo da historia e na actualidade. O xoves pasado cada clase colocou unha planta nova no xardín da memoria, para non esquecer ese compromiso.
sábado, 1 de febreiro de 2020
Unha tarde vindo do muíño
Así de ben soou o tema co que 5º participou na celebración do Día Escolar da Non Violencia e da Paz: Unha tarde vindo do muíño recollido a María Tubío en Chorente.
Construír a paz é tamén aprender a respectar aos demais e loitar porque nos respecten e porque non se cometan inxustizas á vista nosa.
Parabéns, rapaces e rapazas, pola vosa interpretación deste tema tan fermoso. 😍
Poemas pola Paz
O 30 de xaneiro é o Día Escolar da Non Violencia e da Paz. Este ano no cole celebŕamolo con poesía, Poemas para construír a Paz, no día a día, desde o máis próximo e coa implicación de todos e todas.
Nós traballamos sobre tres poemas: Corazón Senlleiro de Celso Emilio Ferreiro, Lembranza para Alí Smaín de Antonio García Teijeiro e Avións de Rafa Villar. Sobre eles fixemos murais que están na entrada do colexio cos das outras clases e gravamos un programa de radio conxunto, un monográfico sobre o Día da Paz.
Convidámosvos a escoitar o que os nenos e nenas do Brea Segade dicimos sobre a Paz e a Non Violencia.
martes, 21 de xaneiro de 2020
Día Escolar da Non Violencia e da Paz
Non violencia e paz no mundo pero tamén no noso entorno máis proximo: a casa, a aldea, a escola, aula... Nestas semanas imos traballar e reflexionar sobre os conflitos e a súa resolución.
Nesta entrada imos enlazar páxinas que nos axudarán a entender mellor cal son os conflitos que se están a vivir no mundo na actualidade.
Comezamos con dúas entradas, unha de Ayuda en Acción e outra de Intermon Oxfam.
Guerras e conflitos no 2020.
Países en guerra actualmente.
Subscribirse a:
Publicacións (Atom)