Prohibido leer a Lewis Carroll

 

Xa estamos metidos de cheo na lectura do seguinte libro do itinerario lector de Sexto, Prohibido leer a Lewis Carroll de Diego Arboleda, con ilustracións de Raúl Sagospe. 

Esta obra foi Premio Nacional de Literatura Infantil y Juvenil no 2014, Premio Lazarillo no 2012, Premio White Ravens no 2014, Premio Fundación Cuatrogatos no 2014 e Mejor libro infantil  (de 6 a 12 años) Babelia no 2013.

Estamos ante unha das obras máis premiados da literatura infantil en castelán dos últimos anos, imos descubrir por que tantos premios e ver se estamos de acordo. 😃

LER

Elas superaron o reto que a BBS nos propuxo en novembro, completaron o pasaporte de lecturas de escritoras e este venres recibiron o seu agasallo: Adoro LER!

Noraboa, lectoras!

Noraboa, Noa!

A maldición das bruxas

 

Gustounos moito o libro, imos ver que tal a película.

Marea Negra

 

 Esta é a montaxe que elaboramos na clase de Valores. Está baseada no conto Marea Negra, de Pepe Carreiro, sobre o desastre do Prestige. Escribimos os diálogos, gravámolos, preparamos os decorados, e sacamos máis de 400 fotografías para poder editar despois en Stop Motion. Esperamos que vos guste!

Mitos griegos

Estamos lendo unha escolma da mitoloxía grega elaborada por María Angelidou e publicada por Vicens Vives na colección Cucaña. 

"Mitos griegos" é unha boa aproximación ás orixes da nosa cultura; estamos a atopar o sentido de expresións, nomes, historias... que proceden da Antiga Grecia pero continúan moi vixentes hoxe en día.

Mochilas Viaxeiras

2ª viaxe das Mochilas Viaxeiras de 6º. 

Boas lecturas, Abel e Diego!

Reto: lectura de escritoras

Esta semana a BBS propúxonos un reto, a lectura dun mínimo de seis obras de escritoras galegas entre novembro e marzo. Cada obra que leamos temos que incluíla nun Pase de Lecturas que recibimos esta semana, e a comezos de marzo, coincidindo co Día da Muller, quen teña o pase completo recibirá un agasallo da BBS. Esta proposta pretende enlazar as conmemoracións do Día das Escritoras e o Día da Muller e dar a coñecer a obra de escritoras galegas de literatura infantil e xuvenil. 

Ponémonos mans...aos libros!

Plataforma de lectura dixital

Esta semana retomamos a lectura na Plataforma de lectura Dixital Elbe 2, que algúns comezaron a usar durante o confinamento. Desta vez facémolo tod@s na clase, na Hora de Ler e cos nosos ordenadores Edixgal. Moi boa combinación!

Mércores na biblioteca

Os mércores temos a biblioteca para nós. Facemos uso dunha parte dos recursos do Espazo Argalleiro, falamos sobre as lecturas que levamos, descubrimos as novidades, cambiamos libros e, para a semana, comezará a colaboración dos que queiran ser axudantes de biblioteca. Só podemos gozar da BBS un día á semana, pero os mércores aproveitámola ao máximo. 

 Ao rematar toca ventilar, hixienizar e deixar os materiais da biblioteca creativa en corentena ata o seguinte mércores, pero paga a pena.

Mafalda

Este mércores faleceu Quino, o creador de Mafalda, a nena máis vivaracha, aguda e espelida do mundo da banda deseñada. Descubrir a súa obra nos andeis da BBS será a mellor homenaxe para Quino.

Na biblio

Este curso iremos á biblioteca os mércores, no recreo, na Hora de Ler e na seguinte sesión. Comezamos esta semana. Hai un protocolo de uso novo, respectando ás precaucións impostas pola pandemia, pero a BBS segue a ofertarnos moitos recursos e actividades. 

Ler no verán

Xa están no blog da BBS as recomendacións de lecturas para o verán, olládeas, veredes como hai propostas moi interesantes.

Boa sorte

Na semana do libro imos comezar unha lectura compartida, un novo título do itinerario lector de 5º. Nesta ocasión imos ler en rede e para iso escollemos un título que Baía Edicións pon a disposición de todos nós dentro da súa iniciativa Baía con vós na casa.

Boa sorte de María Solar e con ilustracións de Xosé Tomás vai ser a nosa lectura compartida nestas ultimas semanas de abril.

Na BBS tod@s contamos

Animádevos a contarnos un conto en familia!

Abril, mes dos libros

No mes de abril a Biblioteca Brea Segade está a publicar unha entrada diaria no blog con propostas de lectura en rede para tod@s. Lembrade visitar o blog da biblio para descubrir contacontos, vídeos, libros dixitais e continuar gozando da lectura desde as casas.

Día Mundial da Poesía

Aquí tedes a escolma de poemas que entre todos preparastes estes días. Bo traballo! Boa escolma!

Salón do Libro Virtual

O Salón do Libro de Pontevedra pechou o xoves, ao pouco de rematar nós a nosa visita, pero abriu O Salón do Libro Virtual. Entrade e veredes cantas propostas de lectura e de actividades ides atopar. Un bo espazo para visitar nestes días.