Mil cousas poden pasar. Libro II de Jacobo Fernández Serrano, será a nosa última lectura compartida, o último título do itinerario lector de 6º. Sen dúbida vai ser un broche de ouro ás nosas lecturas en común. Gustaranos tanto como o Libro I? Houbo quen empezou a pedir por el xa en xaneiro 😉
Esta obra foi Premio Nacional de Literatura Infantil y Juvenil no 2014, Premio Lazarillo no 2012, Premio White Ravens no 2014, Premio Fundación Cuatrogatos no 2014 e Mejor libro infantil (de 6 a 12 años) Babelia no 2013.
Estamos ante unha das obras máis premiados da literatura infantil en castelán dos últimos anos, imos descubrir por que tantos premios e ver se estamos de acordo. 😃
A Música das Palabras
Cando lemos, á nosa mente médranlle ás.
Cando escribimos, os nosos dedos cantan.
As palabras son golpes de tambor e frautas na páxina,
paxaros voadores e elefantes trompeteiros,
ríos que flúen, fervenzas que caen,
bolboretas que viran
alto no ceo!
As palabras convídannos a bailar
ritmos, rimas, latexos do corazón,
cascos e bater de ás, contos antigos e novos,
fantasías e verdades.
Esteas cómodo na casa
ou atravesando veloz as fronteiras cara unha nova terra
e unha lingua estraña, as historias e poemas
perténcente.
Cando compartimos palabras, as nosas voces
vólvense música do futuro,
paz, alegría e amizade,
unha melodía
de esperanza.
Elas superaron o reto que a BBS nos propuxo en novembro, completaron o pasaporte de lecturas de escritoras e este venres recibiron o seu agasallo: Adoro LER!
 |
| Noraboa, lectoras! |
 |
| Noraboa, Noa! |
Rematamos co "fermoso ovo branco", a nosa participación na celebración do Día da Paz 2021. Traballamos sobre un conto ben fermoso, tanto como o ovo branco e pasamos moi bos momentos recreando a historia. Agora hai que ver o vídeo, o noso produto final 😃
Aínda acabamos de comezar pero xa sabemos que nos vai ser de moita utilidade para identificar e poñernos a salvo das bruxas verdadeiras...
Temos entre mans un dos clásicos imprescincibles da literatura infantil escrito por un dos mellores autores de historias para rapaces e rapazas de todos os tempos.
A ler e a gozar!!!
Esta semana a BBS propúxonos un reto, a lectura dun mínimo de seis obras de escritoras galegas entre novembro e marzo. Cada obra que leamos temos que incluíla nun Pase de Lecturas que recibimos esta semana, e a comezos de marzo, coincidindo co Día da Muller, quen teña o pase completo recibirá un agasallo da BBS. Esta proposta pretende enlazar as conmemoracións do Día das Escritoras e o Día da Muller e dar a coñecer a obra de escritoras galegas de literatura infantil e xuvenil.
Ponémonos mans...aos libros!
Este venres saíron as Mochilas Viaxeiras. na nosa clase volvemos ter dúas, dobre posibilidade de gozar cos fondos da BBS.
As nosas mochilas comezaron viaxe nas casas de Rita e Dália.
Boas lecturas!
Mirade que pintaza teñen esas galletas!
Bravo, Hugo, estás feito un reposteiro de primeira!
Este ano celébrase o centenario do nacemento do mestre, escritor e pedagogo Gianni Rodari. Estamos traballando sobre a súa obra, aquí están as nosas achegas ao "despaís" que visitamos nos Contos por teléfono de Gianni Rodari.
Viva a fantasía!
Comezamos a usar a Plataforma de Lectura Dixital Elbe.2, unha biblioteca dixital promovida e xestionada pola Asesoría de Bibliotecas Escolares de Galicia, que está ofertando a Biblioteca Brea Segade desde hai dous cursos. 
Hoxe estivemos lendo a historia do pirata Moitabarba que é un dos contos do libro Contos para nenos que dormen deseguida de Pinto e Chinto. Pinto e Chinto son o ilustrador David Pintor e o guionista Carlos López, que levan anos colaborando e publicando obras de literatura infantil tan coñecidas como: Nicomedes, Os xogos olímpicos de ningures ou Minimalario. 
