Esta obra foi Premio Nacional de Literatura Infantil y Juvenil no 2014, Premio Lazarillo no 2012, Premio White Ravens no 2014, Premio Fundación Cuatrogatos no 2014 e Mejor libro infantil (de 6 a 12 años) Babelia no 2013.
Estamos ante unha das obras máis premiados da literatura infantil en castelán dos últimos anos, imos descubrir por que tantos premios e ver se estamos de acordo. 😃
A Música das Palabras
Cando lemos, á nosa mente médranlle ás.
Cando escribimos, os nosos dedos cantan.
As palabras son golpes de tambor e frautas na páxina,
paxaros voadores e elefantes trompeteiros,
ríos que flúen, fervenzas que caen,
bolboretas que viran
alto no ceo!
As palabras convídannos a bailar
ritmos, rimas, latexos do corazón,
cascos e bater de ás, contos antigos e novos,
fantasías e verdades.
Esteas cómodo na casa
ou atravesando veloz as fronteiras cara unha nova terra
e unha lingua estraña, as historias e poemas
perténcente.
Cando compartimos palabras, as nosas voces
vólvense música do futuro,
paz, alegría e amizade,
unha melodía
de esperanza.
Ao longo do mes de xaneiro e parte de febreiro, a aula de Valores Sociais e Cívicos estivo traballando na creación de pequenas curtas en Stop Motion baseadas nalgúns dos poemas da antoloxía Poemas para construír a Paz que publicou a BBS en xaneiro do 2020. Nestas últimas catro entradas tedes o resultado do traballo realizado. Desta vez a edición das montaxes fíxoa cada grupo, usando a app Stop Motion Studio e as tablets da BBS.
A participación no Trivial do Brea Segade foi de tal nivel, que recibimos un merecido premio, marcapáxinas con muíños 3D, deseño de Rita 😍
Só podemos ir un día á semana, os mércores, pero seguimos aproveitándoo ao máximo.
Rematamos co "fermoso ovo branco", a nosa participación na celebración do Día da Paz 2021. Traballamos sobre un conto ben fermoso, tanto como o ovo branco e pasamos moi bos momentos recreando a historia. Agora hai que ver o vídeo, o noso produto final 😃
Aínda acabamos de comezar pero xa sabemos que nos vai ser de moita utilidade para identificar e poñernos a salvo das bruxas verdadeiras...
Temos entre mans un dos clásicos imprescincibles da literatura infantil escrito por un dos mellores autores de historias para rapaces e rapazas de todos os tempos.
A ler e a gozar!!!
Esta é a montaxe que elaboramos na clase de Valores. Está baseada no conto Marea Negra, de Pepe Carreiro, sobre o desastre do Prestige. Escribimos os diálogos, gravámolos, preparamos os decorados, e sacamos máis de 400 fotografías para poder editar despois en Stop Motion. Esperamos que vos guste!
Estamos lendo unha escolma da mitoloxía grega elaborada por María Angelidou e publicada por Vicens Vives na colección Cucaña.
"Mitos griegos" é unha boa aproximación ás orixes da nosa cultura; estamos a atopar o sentido de expresións, nomes, historias... que proceden da Antiga Grecia pero continúan moi vixentes hoxe en día.
No Día Internacional das Persoas con Discapacidade, na aula de valores Sociais e Cívicos comezamos un novo proxecto, preparar a presentación no colexio da caixa de xogos que nos enviaron da Asociación Amicos, para fomentar a integración desde o xogo.
Este venres participamos nun obradoiro de circuítos e textis con Paola Guimeráns. Entrade no blog da BBS para ver a reportaxe completa do seu paso polo Brea Segade e do noso obradoiro.
Biblioteca creativa: Paola Guimeráns.
