Pixel art

Saúl ten unha tarxeta gráfica nova e está a tope en modo creación. Un dos primeiros pixel art que fixo foi este. Coñécese ben o que é, non? Perfecta combinación de tecnoloxía e natureza 😉 😍

Seguiremos atent@s ás túas creacións, Saúl 👌

Queremos un monte limpo!

 Chegounos información de que os arredores das parcelas das cabuxas estaban empezando a ter moito lixo, fundamentalmente, restos das merendas das persoas que veñen visitar ás cabuxas e a Michel. Empezamos por non dar creto 😲, fómonos enfadando 😠  e, para non chegar a máis, animámonos a facer carteis que se poñerán nesas zonas, a ver se só foi un despiste e a xente entra en razón. 😏

Míchel

 Míchel, o novo burro fariñeiro do proxecto Máis ca leña, xa leva un par de días en Taragoña e, pouco a pouco, empeza a sentirse na casa.

Que bonito é! 😍

Plantación e saída polo monte

Aquí vai unha montaxe coas imaxes da participación de Sexto na plantación e na saída do venres pasado. 

Grazas a Fousas ao Monte, a Comunidade de Montes de Taragoña e ao Concello de Rianxo. Grazas, Emilio!

Bo traballo, rapaces e rapazas!

Saiu o sol!

Este venres saiu o sol, despois de semanas, e puidemos retomar proxectos da Aula de Música, que estaban pendentes do bo tempo, e que incluíron tamén ir darlle unha visita ás cabras e ás melloras nas instalacións onde están.😍

Moito máis ca leña!

O proxecto Máis ca leña da Comunidade de Montes o Fieitoso e o colectivo veciñal Fousas ao Monte continúa avanzando a bo ritmo e empeza o 2021 con novidades e melloras. 

Este venres, aproveitando o día frío, pero seco e solleiro,  fomos ver de primeira man as novas instalacións que se acondicionaron para as cabras recén paridas e as súas crías. Vaaale, realmente fomos coñecer as novas crías e saúdar ás súas nais 😍

De lado do cole comprobamos que hai crías en camiño. A cabuxa branca está preñada e non ha tardar en darnos máis alegrías. 

Comezamos o 2021 con 21 cabuxas no rabaño, non está nada mal!!!

Castañas de Froilán

Seguen chegando landras e castañas, aínda temos ata o venres que vén, que esta fin de semana choveu e non se fixo a "sementeira".  Así que xa sabedes, seguide apañando landras, se as atopades e tamén castañas.

Castañas para a landraina

Hoxe achegamos un feixe de castañas ao colector da Landraina de Fousas ao Monte. Aínda pode desparticipar mañá, o sábado farán a "sementeira". Animádevos!

Landras de Isabela

Isabela xa trouxo landras para colaborar coa Landraína de Fousas ao Monte. Agora temos que animarnos os demais. Aproveitade estes días da ponte para apañar landras e castañas e levalas a Campo Maneiro ou traelas martes e as levamos xunt@s. Se ides na ponte, sacade foto. 😃

Moi ben, Isabela!👌

Landraina

 

 

A Comunidade de Montes e o colectivo veciñal Fousas ao Monte piden a nosa colaboración para continuar enriquecendo os nosos montes con especies autóctonas.

Animádevos a participar, é moi sinxelo.

- Saíde a andar polo monte e buscade landras. Iso é unha landraina! 😉

- Apañádeas e traédeas a Campo Maneiro, a un colector que está diante do pavillón.

- Tedes ata o 15 de outubro. 

Despois esas landras serán sementadas polos membros de Fousas ao Monte no monte comunal de Taragoña.

E as nosas cabuxas?

O tempo pasa, levamos quince días sen ir ao cole. E as nosas cabuxas? Como estarán? Se o queredes saber entrade no blog da BBS, alí tedes información.

Landraina

Animádesvos volver á Senda de Taragoña?
Desta vez organiza Fousas ao Monte e ademais da andaina recolleremos landras para despois sementar polo monte na zona de Campo Maneiro.