Lixo non!

Este xoves saímos colocar os carteis que preparamos para concienciar contra o lixo en Campo Maneiro. 

E tamén recollemos lixo👌

Queremos un monte limpo!

 Chegounos información de que os arredores das parcelas das cabuxas estaban empezando a ter moito lixo, fundamentalmente, restos das merendas das persoas que veñen visitar ás cabuxas e a Michel. Empezamos por non dar creto 😲, fómonos enfadando 😠  e, para non chegar a máis, animámonos a facer carteis que se poñerán nesas zonas, a ver se só foi un despiste e a xente entra en razón. 😏

Míchel

 Míchel, o novo burro fariñeiro do proxecto Máis ca leña, xa leva un par de días en Taragoña e, pouco a pouco, empeza a sentirse na casa.

Que bonito é! 😍

Plantación e saída polo monte

Aquí vai unha montaxe coas imaxes da participación de Sexto na plantación e na saída do venres pasado. 

Grazas a Fousas ao Monte, a Comunidade de Montes de Taragoña e ao Concello de Rianxo. Grazas, Emilio!

Bo traballo, rapaces e rapazas!

Baleas e cambio climático

O 19 de febreiro celébrase o Día Mundial das Baleas, pois foi o 19 de febreiro de 1986 cando a Comisión Baleeira Internacional (CBI) prohibiu a pesca industrial destes cetáceos, debido a que a caza indiscriminada terminara provocando a extinción dalgunhas especies. No Día das Baleas 2021 a asociación ecoloxista GreenPeace publicou este vídeo que suma motivos para defender o coidado e protección das baleas e dos nosos océanos. 

 

Saiu o sol!

Este venres saiu o sol, despois de semanas, e puidemos retomar proxectos da Aula de Música, que estaban pendentes do bo tempo, e que incluíron tamén ir darlle unha visita ás cabras e ás melloras nas instalacións onde están.😍

Sementeira de castañas

Rematamos o magosto saíndo a Campo Maneiro a sementar as castañas que xa viñan con gromo. Fomos pola parte de abaixo das pistas, para completar a plantación de árbores autóctonas que fixeramos hai anos e despois fomos ver as árbores que plantamos o curso pasado. Saudamos a Maria Luisa, como non? 😁 E lembrámonos de Alex. 😢

Castañas de Froilán

Seguen chegando landras e castañas, aínda temos ata o venres que vén, que esta fin de semana choveu e non se fixo a "sementeira".  Así que xa sabedes, seguide apañando landras, se as atopades e tamén castañas.

Castañas para a landraina

Hoxe achegamos un feixe de castañas ao colector da Landraina de Fousas ao Monte. Aínda pode desparticipar mañá, o sábado farán a "sementeira". Animádevos!

Landras de Isabela

Isabela xa trouxo landras para colaborar coa Landraína de Fousas ao Monte. Agora temos que animarnos os demais. Aproveitade estes días da ponte para apañar landras e castañas e levalas a Campo Maneiro ou traelas martes e as levamos xunt@s. Se ides na ponte, sacade foto. 😃

Moi ben, Isabela!👌

Landraina

 

 

A Comunidade de Montes e o colectivo veciñal Fousas ao Monte piden a nosa colaboración para continuar enriquecendo os nosos montes con especies autóctonas.

Animádevos a participar, é moi sinxelo.

- Saíde a andar polo monte e buscade landras. Iso é unha landraina! 😉

- Apañádeas e traédeas a Campo Maneiro, a un colector que está diante do pavillón.

- Tedes ata o 15 de outubro. 

Despois esas landras serán sementadas polos membros de Fousas ao Monte no monte comunal de Taragoña.

En perigo: tartaruga de coiro e píllara das dunas

Continuamos publicando os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas!

En perigo: o diaño de Tasmania e o tigre de Bengala

Continuamos publicando os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas!

En perigo: o oso pardo, o lince ibérico e a avefría

Continuamos publicando os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas!

En perigo: a xesta de Ons e o esgonzo ibérico

Comezamos publicar os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas! 

 

En perigo: águia real e oso pardo

Comezamos publicar os traballos de Naturais sobre especies en perigo de extinción. Todos eles son unha boa mostra do moito que levamos aprendido e traballado ao longo deste curso, tamén nestes meses de confinamento. Detrás de cada presentación hai traballo de busca, selección e organización da información, fundamentalmente na rede, e procesamento informático dos datos recollidos. Estes son algúns dos froitos do traballo en Edixgal ao longo do curso. Parabéns a todos e a todas!  

Cabuxas no Campo Maneiro

Entrade no blog da BBS para ver vídeos das cabuxiñas en Campo Maneiro esta semana.