Conserveiras

Peixeiras e peixeiros

Mariscadores e mariscadoras

Excursión fin de curso

 Aínda que este foi un curso raro, con moitas restriccións pola pandemia, Sexto non podía marchar do cole sen ter a súa excursión de fin de curso. Escollemos unha ruta de sendeirismo, para asegurar que íamos estar en exterior e tamén para dar continuidade a un dos proxectos que levamos a cabo este curso. Fomos ata Meis, a facer a Ruta da Pedra e a Auga. Comezamos visitando o mosteiro de Armenteira e despois camiñamos á beira do río Armenteira ata chegar ao municipio de Ribadumia. 

Pola tarde iamos subir ao miradoiro da Siradella, pero empezou a chover forte cando estabamos empezando o camiño e tivemos que parar e rematar a saída xogando no colexio, que tampouco estivo mal. 

Foi un moi bo día!  Xornada de convivencia e de descuberta da natureza e do noso patrimonio artístico.

"Kapla creación"

 

Kapla segue a ser un dos nosos recursos favoritos do Espazo Argalleiro. Algúns xa lle teñen collido o punto e anímanse con creacións propias que son máis chulas que as que veñen suxeridas nas guías. Bravo, Carlos!

Proxecto Ríos: maio

Segunda saída de exploración ao noso "anaco do río Té"! Volvemos tomar datos e facer medicións, pero desta vez tamén observamos o bicherío que vive no río na primavera, e foi ben sorprendente. 

Grazas, Emilio, por guiarnos!

Máis información e imaxes no blog da BBS.

Digicraft

Hoxe comezamos a traballar co proxecto Digicraft de Intelixencia Artificial e Videoxogos. Comezamos empregando a axuda dunha intelixencia artificial, (chatbot), para resolver un misterio e descubrir un personaxe oculto. Todas as parellas chegaron ata Hedy Lammar, actriz e inventora austríaca que representa moi ben a curiosidade, iniciativa e creatividade que pretende promover este proxecto. Foi un bo comezo, seguiremos...

As mulleres facemos de todo

Comezamos a traballar coas entrevistas que se fixeron no cole ao longo do mes marzo "As mulleres facemos de todo" Escoitamos as entrevistas e baleiramos a información por medio dunha ficha, despois tocará investigar e aprender, porque estas todas estas mulleres teñen moito que contarnos e ensinarnos. 

 

Entrevistas

As nosas científicas: Rebeca Atienza

Noa presentounos a Rebeca Atienza, unha veterinaria galega que está traballando na preservación dos gorilas en África. 

Río Umia

 Noa presentounos outro dos ríos que temos cerca, da outra beira da ría, o Umia.