Receitas de Nereida

Aínda non tiveramos tempo, pero nunca é tarde para dar a benvida ao blog máis larpeiro e apetecible de toda a blogosfera. Receitas de Nereida é a páxina que acaba de abrir Nerea para compartir as súas creacións na cociña, con todo detalle. Todo explicado paso a paso, con imaxes, ingredientes, utensilios... Moi profesional!

Parabéns, Nerea! 

Seguro que todos/as imos consultar moito o teu blog.

As galletas de Hugo

Hugo estivo cociñando na ponte, seguindo unha das receitas do libro da BBS que levou a semana pasada, Sobremesas, da colección Cociña Infantil e Familiar. 

Mirade que pintaza teñen esas galletas!

Bravo, Hugo, estás feito un reposteiro de primeira!

 

Trenzas

Hoxe Nerea sorprendeunos cunhas trenzas de chocolate, feitas por ela, para compartir no recreo  😋😍. Descubrimos que temos a unha cociñeira de primeira entre nós; estaban boísimas!! Non deixamos nin as migallas!

Moitas grazas pola sorpresa, Nerea! Podes seguir sorprendéndonos sempre que queiras e teñas unha tarde "reposteira". 😘😘😘

Polbiños de salchichas

Tremenda pintaza teñen estes polbiños feitos de salchichas que preparou Ezequiel seguindo as indicacións do libro da BBS que levou a semana pasada. Temos un chef de primeira na clase! 

Biscoito á cunca

Unha das cousas boas de traballar sobre receitas de cociña na clase é que ás veces, coma hoxe, levamos a sorpresa de ter unha proba no recreo. Isabela tróuxonos unha mostra do seu "biscoito á cunca". Estaba de lamber os bicos! Mirade nas fotos, ben se ve! 😛

Graciñas Isabela! 

En canto teñamos montado o noso libro de receitas probaremos a facelo 👌

Mmmm!

Larpeiras!

Receitas de outono

Esta semana estivemos traballando con receitas de cociña e con produtos de outono: millo, cabazas, castañas, cogomelos, champiñóns... O venres probamos a facer ditados colaborativos de receitas de comidas elaboradas con castañas. Cada grupo tiña unha receita diferente pendurada nun lugar diferente da clase e un a un fomos saíndo a ler parte da receita e despois ditala ao resto do grupo. Funcionou moi ben e serviunos para ir abrindo boca para o Magosto que celebramos despois do recreo 😋