Pixel art

Saúl ten unha tarxeta gráfica nova e está a tope en modo creación. Un dos primeiros pixel art que fixo foi este. Coñécese ben o que é, non? Perfecta combinación de tecnoloxía e natureza 😉 😍

Seguiremos atent@s ás túas creacións, Saúl 👌

Lixo non!

Este xoves saímos colocar os carteis que preparamos para concienciar contra o lixo en Campo Maneiro. 

E tamén recollemos lixo👌

Queremos un monte limpo!

 Chegounos información de que os arredores das parcelas das cabuxas estaban empezando a ter moito lixo, fundamentalmente, restos das merendas das persoas que veñen visitar ás cabuxas e a Michel. Empezamos por non dar creto 😲, fómonos enfadando 😠  e, para non chegar a máis, animámonos a facer carteis que se poñerán nesas zonas, a ver se só foi un despiste e a xente entra en razón. 😏

Míchel

 Míchel, o novo burro fariñeiro do proxecto Máis ca leña, xa leva un par de días en Taragoña e, pouco a pouco, empeza a sentirse na casa.

Que bonito é! 😍

Plantación e saída polo monte

Aquí vai unha montaxe coas imaxes da participación de Sexto na plantación e na saída do venres pasado. 

Grazas a Fousas ao Monte, a Comunidade de Montes de Taragoña e ao Concello de Rianxo. Grazas, Emilio!

Bo traballo, rapaces e rapazas!

Saiu o sol!

Este venres saiu o sol, despois de semanas, e puidemos retomar proxectos da Aula de Música, que estaban pendentes do bo tempo, e que incluíron tamén ir darlle unha visita ás cabras e ás melloras nas instalacións onde están.😍

"Folerpas de neve"

Neste tempo frío chegounos outra "folerpa de neve". A cabra branca coa que estivemos venres pariu esta noite unha cabuxiña branca con manchas negras 😍😍😍😍

Xa son 22 no rabaño! Benvida!

Moito máis ca leña!

O proxecto Máis ca leña da Comunidade de Montes o Fieitoso e o colectivo veciñal Fousas ao Monte continúa avanzando a bo ritmo e empeza o 2021 con novidades e melloras. 

Este venres, aproveitando o día frío, pero seco e solleiro,  fomos ver de primeira man as novas instalacións que se acondicionaron para as cabras recén paridas e as súas crías. Vaaale, realmente fomos coñecer as novas crías e saúdar ás súas nais 😍

De lado do cole comprobamos que hai crías en camiño. A cabuxa branca está preñada e non ha tardar en darnos máis alegrías. 

Comezamos o 2021 con 21 cabuxas no rabaño, non está nada mal!!!

E as nosas cabuxas?

O tempo pasa, levamos quince días sen ir ao cole. E as nosas cabuxas? Como estarán? Se o queredes saber entrade no blog da BBS, alí tedes información.

Plantación e camiñata por Campo Maneiro

Hoxe achegámonos á que será a caseta para as cabras do proxecto Máis ca leña para plantar unhas nogueiras. Fomos todo o colexio con Emilio Saborido, que nos explicou que plans teñen para o edificio e a parcela na que estarán as cortes e nos lembrou como plantar, e porque é tan importante repoboar con árbores autóctonas. Cada curso plantou unha nogueira, á nosa puxémoslle de nome Mª Luisa 😂. Así que agora temos que coidar ben da "nogueira Mª Luisa" que medrará en Campo Maneiro, xunto ás cabuxas. Coidar tamén coidaremos ao resto das nogueiras e árbores autóctonas coas que a Comunidade de Montes e Fousas ao Monte están a repoboar toda a zona. 

A plantar!!

Listo!

Despois de plantar demos unha pequena camiñata por Campo Maneiro e Emilio foinos falando sobre as árbores e o que iamos vendo de camiño.

Foi unha boa mañá de traballo e aprendizaxe. 

Grazas Emilio!