Despedida da piscina

 O venres rematou o curso de piscina. 😥

Grazas! Encantounos!

Visitamos o IES Félix Muriel

Onte fomos de visita ao IES Félix Muriel, o que será o noso centro o vindeiro curso. Iamos nerviosos/as, pero voltamos encantados/as e con ganas de que chegue setembro.

Grazas a Martina e Amparo, que nos acompañaron na visita e moitas grazas aos nosos antigos compañeiros Sara, Álex e Ainara, que nos contaron as súas impresións agora que xa levan un curso no insti.

Piscina : 3º venres

Xa van tres venres de piscina! E segue gustándonos tanto ou máis que o primeiro día. Nótanse xa os avances e a soltura na auga, pero sobre todo as caras de pasalo bomba!!

Na piscina

Hoxe comezamos o curso de natación na piscina de Rianxo. Xa vedes que a cousa foi ben, moooi ben!

Creando videoxogos

Hoxe tivemos un obradoiro de creación de videoxogos con Carlos Ces, o informático do Concello de Rianxo. Mirade o que aprendemos a facer! E acabamos de empezar.

Grazas, Carlos!

 

 

Proxecto Ríos: maio

Segunda saída de exploración ao noso "anaco do río Té"! Volvemos tomar datos e facer medicións, pero desta vez tamén observamos o bicherío que vive no río na primavera, e foi ben sorprendente. 

Grazas, Emilio, por guiarnos!

Máis información e imaxes no blog da BBS.

Enreguéifate!

Hoxe tivemos a sorte de participar nun obradoiro de regueifas con Josiño da Teixeira e Lupe Blanco. Rianxo é un dos concellos que impulsa o proxecto educativo Enreguéifate!, que busca promover a improvisación oral en verso e en lingua galega, por medio da difusión da regueifa.

Josiño e Lupe ensináronnos os trucos para compoñer boas coplas e ao rematar o obradoiro xa marchamos tod@s regueifando. Continuaremos...

Grazas Lupe e Josiño! Encantounos!

No Té

Hoxe fomos a andar ao río Té. Foi a nosa primeira saída dentro do Proxecto Ríos, para descubrir o treito do que somos responsables e para recoller datos para a 1ª inspección do río. Fixemos unha chea de cousas: medir, calcular, observar, analizar... Foi unha mañá de clase no río con Mates, Sociais, Lingua, Naturais, Educación Física, Valores... e moito aire puro. Que máis se pode pedir? 

Grazas, Emilio!

 Entrade no blog da BBS para ver máis información e máis imaxes.