Río Umia

 Noa presentounos outro dos ríos que temos cerca, da outra beira da ría, o Umia.

Río Eume

Rubén saiuse coa súa e investigou sobre o río Eume 😉. Este luns compartiuno con nós. 

Río Mero

Isabela presentounos o río Mero, que desem,boca na ría do Burgo, moi preto de A Coruña. 

Río Sil

Hugo falounos do afluente máis coñecido e máis caudaloso do Miño, o río Sil. 

 

Río Támega

Mikel falounos doutro dos ríos que compartimos con Portugal, o Támega. 

Río Lérez

Lucas falounos do río Lérez, que sempre vemos cando imos ao Salón do Libro de Pontevedra. 

Río Limia

Rita levounos ata terras ourensás e aínda máis alá, a Portugal, na súa presentación sobre o río Limia. 

Río Tambre

Diego Ferreira presentounos outro dos ríos próximos a nós, que desemboca na veciña ría de Noia e Muros, o Tambre. 

Río Navia

 Lucía presentounos o río Navia, un dos máis importantes da vertente cantábrica. Seguimos aprendendo cos vosos traballos 😃

Río Xallas

Rafa presentounos o seu traballo sobre o río Xallas, que desemboca na fermosísima fervenza do Ézaro.

Que hora é?

Hoxe é un bo día para lembrar o que sabemos sobre os fusos horarios, as horas nas diferentes latitudes, o horario de inverno e verán... E navegar e curiosear un pouco no neste mapa.

Saturno, Urano e o Sol

A semana pasada rematamos coas exposicións dos traballos de Sociais sobre os planetas. Breogán, Lara, Isabela, Abel e Dália presentaron un montón de información e datos curiosos sobre os seus planetas e o Sol.

Bo traballo, Breogán!

Bo traballo, Dália e Abel!

Bo traballo, Lara e Isabela!

Entre planetas

Levamos xa un par de semanas "entre planetas", investigando e preparando información para compartir cos compañeiros/as. E os traballos xa van collendo forma.

Paremos o cambio climático!

Este venres no recreo, tal e como fixeron moitos nenos/as e mozos/as en todo o mundo, no noso colexio paramos e protestamos contra o quentamento global cun minuto de silencio. Os nosos  carteis mostraron que sabemos do que falamos e que queremos que as cousas cambien para asegurar o futuro do noso planeta, que é o noso futuro.

Semana do Clima

Coincidindo coa celebración da Cumbre sobre a Acción Climática da ONU (Organización de Nacións Unidas) que se está a celebrar en Nova Iorque, está convocada en todo o mundo unha Semana sobre o Clima que rematará o venres 27 cunha xornada de protesta contra o cambio climático. Sumarémonos a esta semana de descuberta, reflexión, protesta e compromiso contra o quencemento global e o cambio climático que ameazan a vida do noso planeta.

Para comezar a entender que é o cambio climático empregaremos este recurso do Espazo Abalar elaborado por María Manuela Abella Cruz