Personaxes Máxicos de Nadal

 

Excitable Edgar

Estamos traballando sobre textos persuasivos e publicidade. O Nadal é tempo de anuncios moi coidados e moi ben elaborados; case poderían considerarse curtas. Imos compartir estas semanas algúns anuncios que foron premiados ou que tiveron moi boa acollida pola súa calidade e o seu impacto sobre o público. Comezamos con Excitable Edgar, anuncio da campaña de Nadal 2019 da cadea de grandes almacéns británica John Lewis. O anuncio remata co eslogan: "Ensínalles canto che importan"

Xogos

Non podíamos rematar esta mini semana de tres días sen probar os agasallos do Apalpador.

Agasallos do Apalpador

O Apalpador pasou polo Brea Segade e deixou agasallos para todas as clases! Lara e Nerea, as encargadas desta semana, foron a recollelos: tres xogos feitos de madeira e un mural para colorear. Molan! Teremos que probalos 😍

Nadal no colexio

O último día de clase, aínda que tivemos que quedar no cole pola chuvia, foi xenial. Primeiro obradoiros, despois chocolate con doces caseiros e por último cantar as prosas. Foi tamén o día no que nos despedimos de Alba, a profe que nos acompañou durante mes e medio e que ha voltar, sempre que queira; xa sabe que en Quinto e no cole ten a súa 2ª casa.😍

Árbores de Nadal

Este ano na decoración de Nadal do cole imos usar árbores feitas con revistas e tamén con libros vellos ou deteriorados, que se están a retirar da biblioteca. Como vedes nas fotos, gustounos moito aprender a facelos, algúns ata están viciados/as co de dobrar e dobrar papel 😆 E ademais, están quedando moi chulas!

Titorial para cantar as prosas do Nadal

Traballazo de Quinto na Aula de Música!!! 😍 Parabéns!!

Todo en marcha para cantar as prosas do Nadal. Entrade no blog da biblioteca para ver o resto da información.