Onte fomos de visita ao IES Félix Muriel, o que será o noso centro o vindeiro curso. Iamos nerviosos/as, pero voltamos encantados/as e con ganas de que chegue setembro.
Grazas a Martina e Amparo, que nos acompañaron na visita e moitas grazas aos nosos antigos compañeiros Sara, Álex e Ainara, que nos contaron as súas impresións agora que xa levan un curso no insti.
Xa van tres venres de piscina! E segue gustándonos tanto ou máis que o primeiro día. Nótanse xa os avances e a soltura na auga, pero sobre todo as caras de pasalo bomba!!
Onte foi o aniversario de Rubén 🎉🎉🎉
Este curso, con tanto protocolo, xel, máscara e grupos burbulla, non publicamos fotos en todos os aniversarios 😞, pasóusenos, e xa houbo quen protestou 😱 Pero si que lle demos os parabéns a todo o mundo, eh! E cantamos! Iso si 😉
Moitos parabéns, Rubén!
Esta semana rematamos e gravamos a nosa regueifa de despedida. Tan ben quedou que decidimos mandala ao Enreguéifate 😍 O mellor, o ben que o pasamos facéndoa, cantándoa e gravándoa.
Alex estivo de visita este xoves! Levabamos tempo sen vela e seguimos botándoa moito de menos.
Grazas por vir, Alex! Encantounos verte! 😍
En Valores Sociais e Cívicos levamos un tempo traballando sobre os embustes nos medios de comunicación e nas redes sociais, as "Fake News". Como remate do traballo elaboramos un mural cun decálogo contra as Fake News baseado nun dos documentos cos que traballamos estas semanas, o decálogo elaborado por comunicadores/as da Radio Televisión Pública Vasca.
Ollo ás Fake News, están por todos lados, hai que estar atentos/as e saber detectalas.
Kapla segue a ser un dos nosos recursos favoritos do Espazo Argalleiro. Algúns xa lle teñen collido o punto e anímanse con creacións propias que son máis chulas que as que veñen suxeridas nas guías. Bravo, Carlos!
Hoxe comezamos o curso de natación na piscina de Rianxo. Xa vedes que a cousa foi ben, moooi ben!
Hoxe tivemos un obradoiro de creación de videoxogos con Carlos Ces, o informático do Concello de Rianxo. Mirade o que aprendemos a facer! E acabamos de empezar.
Grazas, Carlos!
Segunda saída de exploración ao noso "anaco do río Té"! Volvemos tomar datos e facer medicións, pero desta vez tamén observamos o bicherío que vive no río na primavera, e foi ben sorprendente.
Grazas, Emilio, por guiarnos!
Máis información e imaxes no blog da BBS.
