Rumbo a Pontevedra

Libros e maqueta rematados!
Onte despedímonos deles, verémolos en Pontevedra, no Salón do Libro Infantil e Xuvenil.

Plantación e camiñata por Campo Maneiro

Hoxe achegámonos á que será a caseta para as cabras do proxecto Máis ca leña para plantar unhas nogueiras. Fomos todo o colexio con Emilio Saborido, que nos explicou que plans teñen para o edificio e a parcela na que estarán as cortes e nos lembrou como plantar, e porque é tan importante repoboar con árbores autóctonas. Cada curso plantou unha nogueira, á nosa puxémoslle de nome Mª Luisa 😂. Así que agora temos que coidar ben da "nogueira Mª Luisa" que medrará en Campo Maneiro, xunto ás cabuxas. Coidar tamén coidaremos ao resto das nogueiras e árbores autóctonas coas que a Comunidade de Montes e Fousas ao Monte están a repoboar toda a zona. 

A plantar!!

Listo!

Despois de plantar demos unha pequena camiñata por Campo Maneiro e Emilio foinos falando sobre as árbores e o que iamos vendo de camiño.

Foi unha boa mañá de traballo e aprendizaxe. 

Grazas Emilio!

Venres de Entroido

O venres de Entroido no cole sempre é unha festaza, este ano non foi menos. O tema dos disfraces era o mar e o Brea Segade encheuse de mariñeiros/as, mariscadores/as, peixes, mergulladores, piratas, sereas...

A chegada ao cole.

List@s para o pasarrúas.

En Campo de Pazos.

A tripulación do Brea Segade

De volta no cole merenda e baile

A queima do Toribio

E agora a celebrar o Entroido nas casas, nas aldeas, nas parroquias... 

Viva o Entroido!

Mochilas Viaxeiras 7

As Mochilas van pasar o Entroido nas casas de Rafa e Froilán. Boas lecturas!!

Viva o Toribio!

Último mandado

A dalo todo, algo do mar na cabeza!

O Toribio manda...

Hoxe imos colgar os dous mandados do Toribio, para o martes e o mércores. Lembrade que son acumulativos, así que mañá lentes de mergullar, gorro de la e...

A peor xogada

Escoitade este temazo, gañador do certame Quero Cantar.

Xa chegou o Toribio!

É tempo dos mandados do Toribio, é tempo de Entroido! 🎉🎉🎊🎊

Mandado para o luns

Cabuxas no Campo Maneiro

Entrade no blog da BBS para ver vídeos das cabuxiñas en Campo Maneiro esta semana.

Trenzas

Hoxe Nerea sorprendeunos cunhas trenzas de chocolate, feitas por ela, para compartir no recreo  😋😍. Descubrimos que temos a unha cociñeira de primeira entre nós; estaban boísimas!! Non deixamos nin as migallas!

Moitas grazas pola sorpresa, Nerea! Podes seguir sorprendéndonos sempre que queiras e teñas unha tarde "reposteira". 😘😘😘

Aves mariñas

Estamos elaborando o noso libro para a maqueta do salón do Libro de Pontevedra deste curso. Traballamos sobre aves mariñas, de momento consultamos e recollemos información e comezamos a darlle forma ás páxinas do que será o noso libro. Seguiremos informando.