LER

Elas superaron o reto que a BBS nos propuxo en novembro, completaron o pasaporte de lecturas de escritoras e este venres recibiron o seu agasallo: Adoro LER!

Noraboa, lectoras!

Noraboa, Noa!

Estrela Rosalía

Este venres estivemos a probar os circuítos en papel con adhesivo de cobre, unha das posibilidades de traballar coa electricidade que trouxera ao cole Paola Guimaráns cando estivera en novembro. Desta vez preparamos unha postal con Rosalía e a súa estrela, que alumea o universo a 240 anos luz do noso planeta.

"As estreliñas todas que aló no espazo están, 

sorrindo nos miraban con suave claridade".

As nosas postais alumean para lembrar a importancia de Rosalía para as nosas letras e a nosa cultura.

A maldición das bruxas

 

Gustounos moito o libro, imos ver que tal a película.

Luz e cor

Este venres en Artística estivemos experimentando coa composición das cores e deseñamos carteis con cores planas inspirados no anuncio de Cinzano creado por Luís Seoane en 1952. 

Míchel

 Míchel, o novo burro fariñeiro do proxecto Máis ca leña, xa leva un par de días en Taragoña e, pouco a pouco, empeza a sentirse na casa.

Que bonito é! 😍

8M, Día da Muller

Estamos traballando para conmemorar o Día da Muller. Hoxe empezamos a decorar os lazos que decorarán o cole, enchémolos de mensaxes a favor da igualdade e contra o machismo. 

Plantación e saída polo monte

Aquí vai unha montaxe coas imaxes da participación de Sexto na plantación e na saída do venres pasado. 

Grazas a Fousas ao Monte, a Comunidade de Montes de Taragoña e ao Concello de Rianxo. Grazas, Emilio!

Bo traballo, rapaces e rapazas!

Baleas e cambio climático

O 19 de febreiro celébrase o Día Mundial das Baleas, pois foi o 19 de febreiro de 1986 cando a Comisión Baleeira Internacional (CBI) prohibiu a pesca industrial destes cetáceos, debido a que a caza indiscriminada terminara provocando a extinción dalgunhas especies. No Día das Baleas 2021 a asociación ecoloxista GreenPeace publicou este vídeo que suma motivos para defender o coidado e protección das baleas e dos nosos océanos. 

 

Descubrindo a Rosalía de Castro

Animámosvos a entrar neste xogo de detectives elaborado por Ana Sánchez Sanmartín e Alba Carril Casanova e publicado en Aulas Galegas. Demostrade o moito que sabedes sobre Rosalía de Castro.

Día de Rosalía 2021

 

Empezamos a semana na que celebramos a Rosalía de Castro, a súa vida e a súa obra. Témola presente ao longo de todo o ano, pero nesta semana prestarémoslle unha atención especial.